პროექტის მთავარი ფუნქციური მიმართულება იყო საქორწილო და სადღესასწაულო ღონისძიებები, თუმცა კონცეფცია თავიდანვე გაცილებით ფართოდ განიხილებოდა — სივრცეს უნდა შესძლებოდა სხვადასხვა ტიპის ღონისძიებების მასპინძლობა და რეგიონში ერთ-ერთ ყველაზე სასურველ და გამორჩეულ destination-ად ჩამოყალიბება.
დამკვეთის მთავარი მოთხოვნა იყო ისეთი ინტერიერის შექმნა, რომელიც სტუმარზე შთაბეჭდილებას პირველი ნაბიჯიდანვე მოახდენდა.
ამიტომ პროექტის მთავარი დიზაინერული ამოცანა მხოლოდ ლამაზი ინტერიერის შექმნა არ ყოფილა.
ჩვენთვის მნიშვნელოვანი იყო შეგვექმნა ემოციური გამოცდილება — სივრცე, რომელიც სტუმარს შესვლისთანავე დაანახებდა პროექტის მასშტაბს, ხარისხს, განსაკუთრებულობასა და ღონისძიების მნიშვნელობას.
კონცეფცია
სივრცე, რომელიც სტუმრის გამოცდილებით იწყება
მასშტაბური ობიექტის ფუნქციური ორგანიზებისთვის ტერიტორია ორ ძირითად მიმართულებად დაიყო:
01 — მისაღები და საზოგადოებრივი ზონა
რეცეფცია, გარდერობი, სტუმრების საპირფარეშოები, ლობი და დასასვენებელი ზონები;
02 — ძირითადი ღონისძიებებისა და სარესტორნო სივრცე.
პროექტის შესასვლელი ნაწილი განვიხილეთ როგორც სტუმრის გამოცდილების პირველი ეტაპი.
აქ საჭირო იყო არა მხოლოდ ფუნქციურად გამართული გარემოს შექმნა, არამედ ისეთი სივრცის ჩამოყალიბება, რომელიც სტუმარს ემოციურად მოამზადებდა მთავარი დარბაზისა და ღონისძიების გამოცდილებისთვის.
ამიტომ ლობისა და საპირფარეშოების დიზაინი თავიდანვე განიხილებოდა როგორც ერთი საერთო სცენოგრაფიის ნაწილი.
სივრცეში გამოყენებული მასშტაბური განათება, მაღალი ჭერი, ბუნებრივი ტექსტურები, მუქი ხის ტონები, ლატუნის დეტალები, გამწვანება და რბილი ავეჯი ქმნის გარემოს, რომელიც უფრო მეტად ხუთვარსკვლავიანი სასტუმროს ფოიეს, კერძო კლუბისა და მაღალი კლასის event space-ის სინთეზს მოგვაგონებს.
ფუნქციური ზონირება
როდესაც დაგეგმარება დიზაინის ნაწილია
პროექტის ერთ-ერთი მნიშვნელოვანი გადაწყვეტილება საპირფარეშოების ფუნქციური და ვიზუალური ზონირება იყო.
სივრცის ინტენსიური გამოყენების გათვალისწინებით, ქალებისა და მამაკაცების ნაკადები თავიდანვე დამოუკიდებლად განვიხილეთ.
საბოლოო გადაწყვეტაში შეიქმნა ოთხი დამოუკიდებელი საპირფარეშოს სივრცე — ორი ქალებისთვის და ორი მამაკაცებისთვის.
მათი განაწილება ისე დაიგეგმა, რომ ერთი ქალებისა და ერთი მამაკაცების სივრცე მაქსიმალურად ახლოს ყოფილიყო გარდერობსა და მთავარ მისაღებ ზონასთან, ხოლო დამატებითი საპირფარეშოები დამოუკიდებელი დერეფნის პრინციპით, გარდერობის უკან განთავსდა.
ეს გადაწყვეტილება მხოლოდ ფუნქციური კომფორტით არ იყო ნაკარნახევი.
მიზანი იყო სტუმრების მოძრაობის გამარტივება, სივრცის გადატვირთვის თავიდან აცილება და სხვადასხვა ნაკადის ისე ორგანიზება, რომ ინტერიერის საერთო სიმშვიდე და ვიზუალური სისუფთავე შენარჩუნებულიყო.
ქალების საპირფარეშოები
ტროპიკული პეიზაჟი თანამედროვე ლუქს-ინტერიერში
ქალების საპირფარეშოების დიზაინში მთავარი კონცეპტუალური აქცენტი გახდა ბუნებასთან კავშირის შექმნა.
ინსპირაციად გამოვიყენეთ თანამედროვე ბოჰემური ხასიათის ტროპიკული დეკორატიული კედლის საფარი — მცენარეული მოტივებით, ბუნებრივი მწვანე და მიწისფერი ტონებით.
დეკორი ინტერიერში შემოაქვს ეგზოტიკური განწყობა, თუმცა მისი ბუნებრივი ფერთა პალიტრა სივრცეს ერთდროულად მშვიდ და დახვეწილ ატმოსფეროს უნარჩუნებს.
დეკორატიული კედლების ფონზე გამოყენებულია პრემიუმ იტალიური ზედაპირები და ხელნაკეთი მოზაიკის ელემენტები, რომლებიც საერთო კომპოზიციას უფრო მდიდარ და დეტალურ ხასიათს ანიჭებს.
ამ მიმართულებაში განსაკუთრებული მნიშვნელობა ჰქონდა SICIS-ის მასალებსა და მოზაიკურ გადაწყვეტებს.
SICIS — იტალიური პრემიუმ მოზაიკისა და დეკორატიული ზედაპირების ბრენდი, რომლის პროდუქციის იმპორტსა და რეალიზაციას საქართველოში გალერეა რუმ დიზაინი — ROOM DESIGN GALLERY უზრუნველყოფს.
SICIS-ის ერთ-ერთი მთავარი განსხვავება სწორედ მოზაიკის აღქმაშია — ის მას მხოლოდ დეკორატიულ დეტალად არ განიხილავს და მოზაიკას სრულ არქიტექტურულ ზედაპირად გარდაქმნის, სადაც ფერი, ტექსტურა და სინათლე ერთიანდება.
ამ პროექტში სწორედ ეს შესაძლებლობა გახდა მნიშვნელოვანი — მოზაიკა ინტერიერის დეკორაციის ცალკეული დეტალის ნაცვლად საერთო არქიტექტურული კომპოზიციის ნაწილად იქცა.
სინათლე, როგორც დეკორატიული არქიტექტურა
ქალების საპირფარეშოების მთავარი დეკორატიული აქცენტი გახდა სპეციალურად შეკვეთით შექმნილი LASVIT-ის განათების კომპოზიცია.
LASVIT — ჩეხური პრემიუმ განათებისა და მინის ხელოვნების ბრენდი, რომელსაც საქართველოში გალერეა რუმ დიზაინი — ROOM DESIGN GALLERY წარმოადგენს და რომლის ინდივიდუალური განათების ინსტალაციები პროექტებისთვის იმპორტირდება და რეალიზდება.
LASVIT-ის დიზაინერული მიდგომა ეფუძნება ბოჰემური მინის მრავალსაუკუნოვანი ხელოსნობის თანამედროვე ინტერპრეტაციას და ინდივიდუალურად შექმნილ, კონკრეტულ სივრცეზე მორგებულ მინისა და განათების ინსტალაციებს.
ამ პროექტისთვის შერჩეული დეკორატიული განათება ქმნის ტალღისებურ, მსუბუქ და მოძრავ რიტმს, რომელიც ჭერზე თითქოს თავისუფლად მიედინება.
მინის ელემენტებში გარდატეხილი სინათლე ინტერიერს ცოცხალ ხასიათს აძლევს — სივრცე იცვლება განათების ინტენსივობისა და ხედვის კუთხის მიხედვით.
შედეგად, სანათი აქ აღარ არის მხოლოდ განათების წყარო.
ის ხდება სივრცის მთავარი დეკორატიული არქიტექტურა.
ზედაპირები — LEA Ceramiche
იტალიური კერამიკა არქიტექტურული სიმშვიდისთვის
ქალების საპირფარეშოებში კედლებისა და იატაკის გადაწყვეტისთვის შევარჩიეთ LEA Ceramiche-ის თანამედროვე დიდი ფორმატის კერამიკული ზედაპირები.
LEA Ceramiche — იტალიური პრემიუმ კერამიკული ზედაპირების ბრენდი, რომლის კოლექციები საქართველოში „ გალერეა რუმ დიზაინის „ — ROOM DESIGN GALLERY-ის პორტფელის ნაწილია და ადგილობრივ ბაზარზე მის მიერ იმპორტირდება და რეალიზდება.
ბრენდი დიზაინის კვლევას, ტექნოლოგიურ ინოვაციასა და მაღალ ტექნიკურ შესრულებას აერთიანებს. მისი კოლექციები ხშირად იქმნება საერთაშორისო დიზაინერებთან თანამშრომლობით და გამოიყენება როგორც ინტერიერის, ისე საერთაშორისო არქიტექტურული პროექტებისთვის.
ამ პროექტისთვის შერჩეული ბუნებრივი ტონალობები და ზედაპირების მატერიალური ხასიათი ორგანულად ეხმიანება ტროპიკული დეკორის ფერთა პალიტრას.
დიდი ფორმატის გამოყენებამ კი სივრცეში შეამცირა ვიზუალური დანაწევრება და შექმნა უფრო მონოლითური, მშვიდი და თანამედროვე ფონი დეკორატიული კედლებისთვის.
Burlington
კლასიკური ელეგანტურობა თანამედროვე დეტალებში
საპირფარეშოების საერთო ხასიათის ჩამოყალიბებაში მნიშვნელოვანი როლი შეასრულა Burlington-ის სანტექნიკამ.
Burlington — ბრიტანული პრემიუმ სანტექნიკის ბრენდი, რომლის პროდუქციის შერჩევა, საქართველოში იმპორტი და რეალიზაცია გალერეა რუმ დიზაინის — ROOM DESIGN GALLERY-ის მიმართულებით ხორციელდება.
ბრენდი ცნობილია კლასიკური და heritage სტილის აბაზანის დიზაინის თანამედროვე ტექნოლოგიებთან შერწყმით — მიდგომით, რომელიც ტრადიციულ ფორმებს თანამედროვე კომფორტსა და ფუნქციურობას უკავშირებს.
ნიჟარები და სხვა სანიტარული ელემენტები შეირჩა ისე, რომ მათი დახვეწილი ფორმა არ გამხდარიყო ზედმეტად დეკორატიული და ბუნებრივად ჩაწერილიყო საერთო კომპოზიციაში.
განსაკუთრებული აქცენტი გაკეთდა მეტალის დეტალებზე — მათ შორის ოქროსფერი და Rose Gold-ის ეფექტის შემრევებზე, რომლებიც სივრცეს დამატებით სიღრმესა და ლუქს-ხასიათს სძენს.
თეთრი კერამიკის, ქვის ტექსტურების, მუქი ფერებისა და თბილი მეტალის კომბინაცია ქმნის დახვეწილ კონტრასტს, რომელიც სტუმარს მაღალი კლასის სასტუმროს აბაზანის ასოციაციას უჩენს.
მამაკაცების საპირფარეშოები
მუქი, ინტიმური და თანამედროვე ხასიათი
მამაკაცების საპირფარეშოებისთვის შეგნებულად შევქმენით განსხვავებული ატმოსფერო.
აქ კონცეფციის მთავარი მიმართულება გახდა მუქი, მშვიდი და უფრო ინტიმური სივრცე, რომელიც განსხვავებულ ემოციას ქმნის, თუმცა მთლიან პროექტთან ვიზუალურ კავშირს ინარჩუნებს.
კედლებისთვის გამოყენებულია Inkiostro Bianco-ს დეკორატიული წყალგამძლე კედლის საფარები, რომელთა მთავარი უპირატესობა ამ პროექტში სწორედ ის იყო, რომ დეკორატიული გამოსახულება შეიძლებოდა გამოყენებულიყო ტენიან გარემოშიც.
Inkiostro Bianco — იტალიური დიზაინერული კედლის საფარებისა და დეკორატიული ზედაპირების ბრენდი, რომლის სპეციალიზებული კოლექციები საქართველოში გალერეა რუმ დიზაინის — ROOM DESIGN GALLERY-ის მეშვეობით იმპორტირდება და რეალიზდება.
Inkiostro Bianco-ს EQ•dekor სისტემა შექმნილია წყალთან და ტენიანობასთან დაკავშირებული სივრცეებისთვის და გამოიყენება, მათ შორის, აბაზანებში, საშხაპეებსა და სხვა მაღალი დატვირთვის ზონებში.
ამ პროექტში დეკორატიული საფარის მუქი ყავისფერი, ნაცრისფერი და მეტალის ტონები ქმნის უფრო მამაკაცურ, მშვიდ და დახვეწილ ხასიათს.
Cotto d’Este
მონოლითური მუქი ზედაპირები
მამაკაცების საპირფარეშოების კედლებსა და იატაკზე გამოყენებულია Cotto d’Este-ის დიდი ფორმატის კერამიკული ზედაპირები.
Cotto d’Este — იტალიური პრემიუმ კერამიკული ზედაპირების ბრენდი, რომლის მაღალი კლასის კოლექციების საქართველოში იმპორტსა და რეალიზაციას გალერეა რუმ დიზაინი — ROOM DESIGN GALLERY უზრუნველყოფს.
ბრენდი პრემიუმ porcelain stoneware-ის მიმართულებით გამოირჩევა და განსაკუთრებით ცნობილია KERLITE-ის დიდი ფორმატის, ულტრა თხელი და გამაგრებული კერამიკული ზედაპირებით.
მუქი ანტრაციტის, ნაცრისფერი და მეტალის ეფექტის ზედაპირები დეკორატიულ კედლის საფარებთან ქმნის კონტრასტს, თუმცა მთლიანობაში ერთ ფერთა გრადაციაში რჩება.
მიზანმიმართულად ავარიდეთ თავი ზედაპირების ზედმეტ დანაწევრებას — დიდი ფორმატები სივრცეს უფრო მონოლითურ, თანამედროვე და არქიტექტურულ ხასიათს აძლევს.
ხე და ფარული განათება
საპირფარეშო, როგორც ნახევრად ლაუნჯის სივრცე
მუქი კერამიკული ზედაპირების სიმკაცრის დასაბალანსებლად ინტერიერში შევიტანეთ ნატურალური ხის ეფექტის ტიხრები და შესაბამისი ხასიათის კარები.
ხის თბილი ტექსტურა არბილებს მუქ კერამიკას და ქმნის უფრო ადამიანურ და კომფორტულ მასშტაბს.
ამ გადაწყვეტას კიდევ უფრო აძლიერებს ფარული განათების სისტემა.
ჭერში ინტეგრირებული თბილი განათება თითქოს თხელი გამჭვირვალე ფარდასავით ეშვება კედლების მიმართულებით, ხოლო კედლის დეკორატიული განათების ხაზები ხაზს უსვამს ზედაპირების რელიეფსა და მასალების განსხვავებულ ტექსტურას.
შედეგად, საპირფარეშო აღარ აღიქმება როგორც მხოლოდ ფუნქციური ოთახი.
ის გარდაიქმნება თანამედროვე ნახევრად ლაუნჯის ტიპის სივრცედ, სადაც სტუმრის გამოცდილება ისეთივე მნიშვნელოვანია, როგორც პრაქტიკული ფუნქცია.
ლობი
პირველი შთაბეჭდილება
პროექტის ერთ-ერთი ყველაზე მნიშვნელოვანი სივრცე ლობია.
აქ მთავარი არქიტექტურული გამოწვევა იყო დაახლოებით 7 მეტრამდე სიმაღლის ჭერის სწორად გამოყენება.
მაღალი მოცულობა თავისთავად ქმნიდა დიდ პოტენციალს, თუმცა საჭირო იყო ისეთი დიზაინერული ელემენტის პოვნა, რომელიც ამ მასშტაბს არა მხოლოდ შეავსებდა, არამედ მის მთავარ უპირატესობად აქცევდა.
სწორედ ამიტომ ლობის კონცეფციის ცენტრალურ ელემენტად იქცა მასშტაბური, ინდივიდუალურად შექმნილი დეკორატიული განათების კომპოზიცია.
Patrizia Garganti
სინათლე, როგორც სკულპტურული ინსტალაცია
ლობისთვის შევარჩიეთ ფლორენციული პრემიუმ განათების ბრენდი Patrizia Garganti, რომლის ისტორია 1976 წლიდან იწყება.
Patrizia Garganti — იტალიური, ფლორენციული პრემიუმ განათების ბრენდი, რომლის დიზაინერული კოლექციები და ინდივიდუალურად შექმნილი განათების გადაწყვეტები საქართველოში გალერეა რუმ დიზაინის — ROOM DESIGN GALLERY-ის მეშვეობით არის წარმოდგენილი.
ბრენდის მთავარი ღირებულებებია ხელოსნური წარმოება, დეტალებისადმი განსაკუთრებული ყურადღება, ხელით შესრულებული ტექნიკების განვითარება და bespoke პროექტების შექმნა.
ბრენდი განათებას განიხილავს როგორც ემოციისა და ატმოსფეროს შექმნის საშუალებას და არა მხოლოდ ფუნქციურ ობიექტს.
ამ პროექტში Patrizia Garganti-სთან თანამშრომლობით შეიქმნა სპეციალური დეკორატიული განათების კომპოზიცია, რომელიც ლობის მთელ სივრცეს ავსებს.
ოქროსფერი და ღია თამბაქოსფერი ტონალობის კრისტალური ელემენტები სხვადასხვა სიმაღლეზე განლაგებული მრავალრიცხოვანი დეტალების სახით ქმნის მოძრავ, თითქმის სკულპტურულ ზედაპირს.
კომპოზიცია არ ცდილობს მხოლოდ ჭერის შევსებას.
მისი მიზანია შვიდმეტრიანი სივრცის მასშტაბის ვიზუალურად დაჭერა და სტუმრის მზერის ზემოთ მიმართვა, რის შედეგადაც ლობის მოცულობა კიდევ უფრო შთამბეჭდავი ხდება.
კრისტალების თბილი მეტალისფერი და თამბაქოსფერი ტონები ინტერიერში გამოყენებულ მუქ ხის, ლატუნის, ბუნებრივი ქვისა და ტექსტილის ტონებს აგრძელებს.
განათების კომპოზიცია დღის განმავლობაში იქცევა არქიტექტურულ სკულპტურად, ხოლო საღამოს — სივრცის მთავარ სინათლის სცენად.
ლობის დასასვენებელი ზონები
სტუმრისთვის შექმნილი კომფორტის კუნძულები
მაღალი მოცულობის ლობის სივრცეში მნიშვნელოვანი იყო მასშტაბის დაბალანსება და სტუმრებისთვის მყუდრო, ადამიანური მასშტაბის ზონების შექმნა.
ამისთვის სივრცეში გამოვყავით რამდენიმე დასასვენებელი და შეხვედრის ზონა, რომლებიც ერთმანეთისგან ნაწილობრივ დეკორატიული ხალიჩებით, მცენარეებით, ავეჯის განლაგებითა და არქიტექტურული ელემენტებით იკითხება.
რბილი ავეჯი სპეციალურად შეირჩა პორტუგალიური ბრენდის Laskasas-ის კოლექციებიდან.
Laskasas — პორტუგალიური პრემიუმ ავეჯის ბრენდი, რომლის ინდივიდუალურ პროექტებზე მორგებული კოლექციები საქართველოში გალერეა რუმ დიზაინის — ROOM DESIGN GALLERY-ის მიერ იმპორტირდება და რეალიზდება.
Laskasas-ის დიზაინის მნიშვნელოვანი ნაწილია ხელოსნობის, თანამედროვე დიზაინისა და customization-ის გაერთიანება, რაც საშუალებას იძლევა ავეჯი სხვადასხვა ინტერიერის კონცეფციასა და ინდივიდუალურ პროექტს მოერგოს.
რბილი სავარძლები და დივნები, ტორშერები, დეკორატიული ხალიჩები და მცენარეები ლობის მასშტაბურ არქიტექტურაში ქმნის უფრო ინტიმურ და კომფორტულ „კუნძულებს“.
ბუნებრივი მასალები და ლატუნის დეტალები
ლობის საერთო ხასიათის ჩამოყალიბებაში მნიშვნელოვანი როლი აქვს ნატურალური ხის კედლის პანელებსა და ლატუნის ფირფიტებით მოპირკეთებულ სვეტებს/კოლონებს.
მუქი და თბილი ხის ტექსტურა სივრცეს ბუნებრივ სიმშვიდეს მატებს, ხოლო ლატუნის ზედაპირები დეკორატიული განათების ოქროსფერ ტონებს აგრძელებს.
ამ ორი მასალის ურთიერთობა ქმნის პროექტის ერთ-ერთ მთავარ ვიზუალურ კონტრასტს:
ბუნებრივი და ხელოსნური — თანამედროვე და ძვირფასი.
ხე სივრცეს ამშვიდებს.
ლატუნი მას ბზინვარებასა და სტატუსს მატებს.
განათება კი ამ ორ მასალას ერთიან ვიზუალურ სცენად აერთიანებს.
Panaria Ceramica
მონუმენტური შესასვლელი
ლობის შესასვლელ და სტუმრების მისაღებ ზონაში განსაკუთრებულ დეკორატიულ აქცენტად გამოყენებულია Panaria Ceramica-ის დიდი ფორმატის კერამიკული ზედაპირები.
Panaria Ceramica — იტალიური პრემიუმ კერამიკული ზედაპირების ბრენდი, რომლის არქიტექტურული კოლექციები საქართველოში გალერეა რუმ დიზაინის — ROOM DESIGN GALLERY-ის მიერ იმპორტირდება და რეალიზდება.
Panaria-ს ისტორია 1974 წლიდან იწყება და ბრენდი დღეს Panariagroup-ის შემადგენლობაში პრემიუმ კერამიკული ზედაპირების მიმართულებით მუშაობს, სადაც დიზაინი, გამძლეობა და იტალიური წარმოების ხარისხი ერთიანდება.
ამ პროექტში შერჩეული მარმარილოს ხასიათის ზედაპირი გამოყენებულია მონუმენტური კედლის კომპოზიციის შესაქმნელად, რომელიც შესასვლელი ზონის ვიზუალურ ცენტრს ქმნის.
კედელი სტუმარს პირველივე მომენტში აძლევს სივრცის მასშტაბისა და ხარისხის განცდას.
აქ სოლიდურობა და ეკლექტიკური ელეგანტურობა ერთმანეთთან ბალანსში მოდის — ბუნებრივი ქვის ვიზუალური ხასიათი, ლატუნის დეტალები, ხის ტექსტურა,
ერთი სივრცე — განსხვავებული სცენარები
ამ პროექტის მთავარი დიზაინერული პრინციპი იყო ერთი საერთო არქიტექტურული ენის შექმნა განსხვავებული ფუნქციებისთვის.
ლობის შემთხვევაში ეს ენა გამოიხატა მასშტაბში, სინათლესა და სტუმართმოყვარეობაში.
ქალების საპირფარეშოებში — ბუნების, ტროპიკული დეკორის, მოზაიკისა და მინის სინთეზში.
მამაკაცების საპირფარეშოებში — მუქ ფერებში, მეტალის ტონებში, ხის ტექსტურებსა და ფარულ განათებაში.
დასასვენებელ ზონებში — რბილ ავეჯში, ბუნებრივ მასალებსა და გამწვანებაში.
საერთო სივრცეში კი ყველა ეს ელემენტი ერთიანდება ერთ მთავარ იდეაში:
შეიქმნას არა უბრალოდ სარესტორნო სივრცე, არამედ სტუმრისთვის სრულყოფილი გამოცდილება — შესვლის მომენტიდან ღონისძიების დასრულებამდე.
დიზაინი, როგორც გამოცდილება
ამ პროექტში თითოეული გადაწყვეტილება ემსახურება ერთ მიზანს — სივრცეს ჰქონდეს საკუთარი იდენტობა.
ჩვენ არ გვინდოდა ტიპური საქორწილო დარბაზის შექმნა, რომლის ვიზუალური ეფექტი მხოლოდ დეკორაციაზე იქნებოდა დამოკიდებული.
პირიქით — კონცეფცია ავაგეთ არქიტექტურულ მასშტაბზე, ფუნქციურ დაგეგმარებაზე, პრემიუმ მასალებზე, დიზაინერულ განათებაზე, ტექსტურებზე, გამწვანებასა და სტუმრის მოძრაობის სცენარზე.
აქ განათება ხდება არქიტექტურა.
კედელი ხდება დეკორი.
მასალა ხდება ატმოსფერო.
ავეჯი ხდება სივრცის მასშტაბის განმსაზღვრელი.
ხოლო ფუნქციური ზონირება — სტუმრის გამოცდილების ნაწილი.
ROOM DESIGN STUDIO × ROOM DESIGN GALLERY
ROOM DESIGN STUDIO — რუმ დიზაინ სტუდიოსთვის ასეთი მასშტაბის პროექტი წარმოადგენს შესაძლებლობას, სადაც ინტერიერის დიზაინი სცდება ცალკეული ოთახების გადაწყვეტას და იქცევა სრული სივრცის გამოცდილების დიზაინად.
ჩვენი მიდგომა იწყება კონცეფციით და მოიცავს სივრცის ფუნქციურ ანალიზს, ზონირებას, მასალებისა და ბრენდების შერჩევას, განათების კონცეფციას, ავეჯისა და დეკორის ინტეგრაციას, დეტალურ პროექტირებასა და რეალიზაციის კოორდინაციას.
ამ პროექტში გამოყენებული საერთაშორისო ბრენდების შერჩევა შემთხვევითი არ ყოფილა.
SICIS, LASVIT, LEA Ceramiche, Burlington, Inkiostro Bianco, Cotto d’Este, Patrizia Garganti, Laskasas და Panaria Ceramica — თითოეული მათგანი პროექტის კონკრეტულ არქიტექტურულ, ფუნქციურ ან ემოციურ ამოცანას პასუხობს.
მათი პროდუქციის საქართველოში ხელმისაწვდომობას, იმპორტსა და რეალიზაციას გალერეა რუმ დიზაინი — ROOM DESIGN GALLERY უზრუნველყოფს, რაც დიზაინის კონცეფციასა და მის მატერიალურ განხორციელებას ერთმანეთთან ერთიან სისტემად აკავშირებს.
სწორედ ეს ქმნის ROOM DESIGN STUDIO × ROOM DESIGN GALLERY-ის მუშაობის ერთ-ერთ მთავარ უპირატესობას:
ROOM DESIGN STUDIO — რუმ დიზაინ სტუდიო ქმნის კონცეფციას, სივრცესა და დიზაინერულ ხედვას, ხოლო ROOM DESIGN GALLERY — გალერეა რუმ დიზაინი უზრუნველყოფს იმ პრემიუმ საერთაშორისო ბრენდებისა და მასალების საქართველოში ხელმისაწვდომობას, იმპორტსა და რეალიზაციას, რომლებიც ამ ხედვის განხორციელებისთვის არის საჭირო.
ამგვარად, პროექტი არ მთავრდება ვიზუალიზაციით.
იდეა გადადის კონკრეტულ მასალაში, მასალა — სივრცეში, ხოლო სივრცე — რეალურ გამოცდილებაში.
ჩვენთვის პრემიუმ ინტერიერი მხოლოდ ძვირადღირებული მასალების გამოყენებას არ ნიშნავს.
სივრცე უნდა იყოს არა მხოლოდ ლამაზი.
ის უნდა იყოს დასამახსოვრებელი.